موبارک قفسده، جانلی یاییندا!

اورمو ايشچيلري :میصیردا جینایت و اینسان اؤلومونده ایتیهام ائدیلن گئچمیش جومهور باشقان حسنی موبا‌رکین محکمه‌سی باشلاییب. میصیر دؤلت تلویزیونونون جان‌لی یاییملادیغی محکمه، باشکند قاهیره‌ده‌کی پولیس آکادمیسینده گئچیریلیر.۸۳ یاش‌لی دئوریلمیش دیکتاتور معا‌لیجه اولوندوغو شرم الشیخ‌دن آمبولانس-اوچاق ایله قاهیره‌یه، اورا‌دان ایسه دیک اوچارلا محکمه سالونا گتیریلیب. موبا‌رکی محکمه سالونونا برانکارد ایله گتیریب‌لر.۳۰ ایل اؤلکه‌سینی دمیر یومروقلا ایداره ائدن موبا‌رک محکمه‌ده دمیر بارماق‌لیقلی قفسده ایفاده وئریر.موبا‌رکله بیرلیکده اوغول‌لاری اعلاء و جامال دا محکمه‌یه گتیریلیب‌لر.موبا‌رک و اوغول‌لارینا آغ رنگ‌لی تقصیرلن‌دیریلن شخص قیافتی گئیدیریلیب. عینی محکمه‌ده موحاکیمه اولونان میصیرین گئچمیش داخی‌لی ایشلر ناظیری حبیب العدلی ایسه داها اؤنجه ده حبس جزاسی آلدیغی اوچون گؤی رنگ‌لی محکوم پالتاری گئیینیب.محکمه‌نین گئچیریلدیگی سالونون اطرافیندا ۳ مین‌دن چوخ پولیس و عسگرین نؤوبه چکدیگی بیلدیریلیر. بینانین قارشی‌سیندا تانک‌لار دا یئرلشدیریلیب.محکمه بیناسی‌نین قارشی‌سینا توپ‌لانان موخالیف‌لر، موبا‌رکین اعدامینی طلب ائدیب‌لر. موبا‌رک طرفدارلاری دا محکمه قارشی‌سینا گلیب. ایکی قوروپ آراسیندا توققوشما‌لار یاشانیر.