اورمو ايشچيلري : ائرمنيلر يئزيدي کوردلرين ياشاديغي کنده باسقين ائديبلر، اينسيدئنت زاماني بير نئچه نفر يارالانيب . ائرمنيستانين کوتايک ويلايتينده ائرمنيلرله يئزيدي کوردلر آراسيندا سيلاهلي قارشيدورما باش وئريب. آپا-نين ائرمنيستانين « آيکاکان ژاماناک» قزئتينه ايستينادن وئرديگي معلوماتا گؤره، حاديثه يئزيدي کوردلرين ياشاديغي زوووني کندينه ائرمنيلرين باسقيني نتيجه سينده باش وئريب.
يئرلي کند ساکينلري بو هوجومو ائرمني اوليقارخلاريندان بيري نين تشکيل ائتديگيني، اساس مقصدين همين ائرمني اوليقارخين کند
ساکينلرينه مخصوص تورپاق ساحه لريني اله کئچيرمک ايستگي اولدوغونو بيلديريبلر. حاديثه نين ايشتيراکچيسي اولان کند ساکينلريندن بيري قزئته بيلديريب کي، هوجوم ائدن ائرمنيلرده سيلاه اولوب. موناقيشه ده يارالانميش بير نئچه کند ساکيني خستخانايا يئرلشديريليب.
موناقيشه زاماني اودلو سيلاه تطبيق ائديلمه ديگيني يازان قزئت اونو دا علاوه ائديب کي، موناقيشه ده ايشتيراک ائتميش ائرمنيستان يئزيديلري ميللي ايجماعسي نين رهبري عزيز تامويانانين اوزرينه سيلاه چکيليب. حتّي ائرمني سيلاهليلاريندان بيري اونون گيجگاهينا تاپانچا ديريه رک اونو حدله ييب.
هیچ نظری موجود نیست:
ارسال یک نظر
از اينكه به اين مطلب نظر مي دهيد متشكريم
ياشاسين آزربايجان