اورمو ايشچيلري : گونئی آذربایجان دوشونجه‌سی‌نین دانیشان دیلی سوسدورولدو. بیر نئچه کز نؤوبتی ساییمیزین بوراخیلیشینا تثبث گوسترسک‌ده هر بیرینده یئنی مانعه‌لرله قارشیلاشمیشدیق. نهایت یارپاغین بوراخیلیش امتیازی‌نین "مطبوعاتا نظارت هئیتی‌نین" طرفیندن لغوی ایله سون مانعه‌نی آشا بیلمه‌یه‌جه‌ییمیزی آنلادیق. سؤزسوز قزئتین نشری‌نین بیر دفعه‌لیک دایاندیریلماسی آذربایجان مدنیتی، دوشونجه‌سی و دیلی‌نین بؤیوک ایتکیسی‌دیر. و بیز بو ایتکی‌یه نئجه دؤزه‌جه‌ییمیزین شوک آن‌لارینی یاشاییریق. (یارپاغین باغلانماسی باره‌ده باش یازارین موراجیعتینی گلن گون‌لرده اوخویاجاقسینیز.)
بیلیریک یارپاغین باغلانماسی آیدین‌لاریمیزدا، یازارلاریمیزدا و بؤیوک اوخوجو کوتله‌سینده کده‌ر حیسسی دوغورور. آنجاق بو اولایی سئوینج دولو خبر کیمی قارشیلایان آزساییلی دوست‌لاریمیز دا وار. بونلار یارپاغا قارشی آپاردیقلاری گئنیش تخریبات گریشیم‌لری و یایدیقلاری گئنیش شایعه‌لردن دولایی ایندی راضیلیق حیسسی دویا بیلرلر. بیزیم بو آجی یئنیلگیمیز هم بونلارا، هم ده گوج قورولوش‌لارینا نوش اولسون.
قزئتین سیناق سایی‌سیندان ایندییه قده‌ر اونو سئوگی ایله قارشیلایان جوشقون اوخوجولارا، زحمت چکن بوتون قلم صاحیب‌لرینه و فداکار امکداش‌لارا میننتدارلیغیمیزی بیلدیریریک. هابئله حقوقی یول‌لارلا اونون یئنیدن نشرینه دایر چالیشمالاریمیزی دایاندیرمایاجاغیمیزا، و هله‌لیک یارپاغین 15-جی ساییسی‌نین الکترون واریانتی‌نین بو یاخین‌لاردا نشر ائده‌جه‌ییمیزه سؤز وئریریک.
بیلیریک یارپاغین باغلانماسی آیدین‌لاریمیزدا، یازارلاریمیزدا و بؤیوک اوخوجو کوتله‌سینده کده‌ر حیسسی دوغورور. آنجاق بو اولایی سئوینج دولو خبر کیمی قارشیلایان آزساییلی دوست‌لاریمیز دا وار. بونلار یارپاغا قارشی آپاردیقلاری گئنیش تخریبات گریشیم‌لری و یایدیقلاری گئنیش شایعه‌لردن دولایی ایندی راضیلیق حیسسی دویا بیلرلر. بیزیم بو آجی یئنیلگیمیز هم بونلارا، هم ده گوج قورولوش‌لارینا نوش اولسون.
قزئتین سیناق سایی‌سیندان ایندییه قده‌ر اونو سئوگی ایله قارشیلایان جوشقون اوخوجولارا، زحمت چکن بوتون قلم صاحیب‌لرینه و فداکار امکداش‌لارا میننتدارلیغیمیزی بیلدیریریک. هابئله حقوقی یول‌لارلا اونون یئنیدن نشرینه دایر چالیشمالاریمیزی دایاندیرمایاجاغیمیزا، و هله‌لیک یارپاغین 15-جی ساییسی‌نین الکترون واریانتی‌نین بو یاخین‌لاردا نشر ائده‌جه‌ییمیزه سؤز وئریریک.
سایقی‌لارلا
یارپاق قزئتی‌نین یارادیجی هئیأت
یارپاق قزئتی‌نین یارادیجی هئیأت
هیچ نظری موجود نیست:
ارسال یک نظر
از اينكه به اين مطلب نظر مي دهيد متشكريم
ياشاسين آزربايجان