اورمو گؤلونون قوروماسي و آذربايجانليلارين جزالانديريلماسي مسئله سی - عاریف کسکین

اورمو ايشچيلري : ژاپونياداکي توسونامي اينسان تبييت(دوغايا) نه قدر حاکيم اولمايي باشاريب کيمي چوخ چئشيدلي سواللاري برابريندئ گتيردي. اينسانوغلو اوزون زاماندير کي من تبييتين حاکيمييم قورورو وئ تکببورييلئ ياشايير. آنجاق گؤردوک کي، ژاپونيانين گليشميش (پيشرفت) تئکنولوژيسي تبيتين قارشيسيندا عاجيز وئ چاره سيز قالدي. چوخ ايلري تئکنولوژييه صاحيب اولماسينا باخماياراق يوزلرجه ژاپونيالي حاياتيني ايتيردي وئ بير چوخ ياشاييش يئرلري خارابايا چئوريلدي. ژاپونياداکي توسونامي اينسان و تبييت آراسينداکي حاکيمليک مسلسيني يئنيدن موباحيثه يه آچدي.

ژاپونياداکي توسونامي اينسان تبييت(دوغايا) نه قدر حاکيم اولمايي باشاريب کيمي چوخ چئشيدلي سواللاري برابريندئ گتيردي. اينسانوغلو اوزون زاماندير کي من تبييتين حاکيمييم قورورو وئ تکببورييلئ ياشايير. آنجاق گؤردوک کي، ژاپونيانين گليشميش

(پيشرفت) تئکنولوژيسي تبيتين قارشيسيندا عاجيز وئ چاره سيز قالدي. چوخ ايلري تئکنولوژييه صاحيب اولماسينا باخماياراق يوزلرجه ژاپونيالي حاياتيني ايتيردي وئ بير چوخ ياشاييش يئرلري خارابايا چئوريلدي. ژاپونياداکي توسونامي اينسان و تبييت آراسينداکي حاکيمليک مسلسيني يئنيدن موباحيثه يه آچدي. کاپيتاليزمين مهار ائديلمز روحو اينسان تبييته حاکيم اولدوغونو دوشونه رک اونا هئچ حؤرمت گؤسترمه دن هر تور شيلتاقليغي ائدير. سانايئلشمه، ايره ليله مه، زنگينلشم/رفاه و بؤيوم(روشد) ائهتيراسي اينسانوغلونون گؤزونو او قدر کؤر ائديب کي ايچينده اوتوردوغو گميني دلير. موتکببير وارليق اولان اينسانوغلو آنلامير کي، او گه مي دلينيرسه نه اؤزو قالير نه ده بؤيومه ائههتيراسي. اينسانوغلو بسلنديگي و فايدالانديغي چيورگي/موهيتي يوخ ائدير. کاپيتاليزيمين چيلقين و مهار ائديلئمز روحو تبييتي يوخ ائدير. کاپيتاليزيم تبييتي مهار ائده رک اينسانلارا رفعاه و ماددي راحاتليق گتيرمک ايديعاسيندادير. چونکي اونا گؤره اينسان اشرف-ائ مخلوقاتدير و دونيا اونون اوچون يارانيب. بو ايدديلار آلتيندا تبييتي کونترول آلتينا آلميايا چاليشير. کاپيتاليزمين بو چيلگينليغي اؤز قارشيتلاريني ياراديب وئ کاپيتاليزيمين موهيتي کيرلتمه ائهتيراسينا قارشي چوخ لايه لي موخاليفئت حرکتلري اورتايا چيخيب. چئوره ني کيرلتمه يه (الودئگي=ئ موهيت زيست) موخالفت ائدنلرين سؤيله مي قربين حوقوقي، سياسي، سناي/سنتي و بنزري سيياستي نين کؤکلو دييشيم/تئغييراتا يول آچيب. بو موخالفتهه رکتلري قربين حوقوق سيستئمينه ائله درين ايشلئييب کي، چئوره کيرلتمک (الودئگي=ئ موهيت زيست) گوناهي اينسانليغا قارشي ايشلنميش جينايت درجه سينه يوکسه ليب. ايدئولوژيک دؤولتين ماهييتي ايران کيمي ايدئولوژيک دؤولتلرين اساسي حدفي اينسانلارا رفعاه و زنگينليک ايستيهسال /توليد ائتمک دئييل. چونکي اونلارا گؤره رفعاه و زنقنليک فساد گتيرير، يوخسولوق و فقر ايسه فزيلت يارادير. بو رئژيملر يوخسولوغو اؤوور و يوخسولوغو حاياتين معناسينا چئويره جک قدر گؤزللشديرير. يوخسوللوق ان اوستون فزيلت کيمي گؤستريلير. بو ريژيملرين حدفي تبييتي کونترول آلتينا آليب اينسانلارين خيدمتينه وئرمک دييل. اونلارين بيرينجي حدفي اينسانلارن اؤزونو کونترول آلتينا آلماقدير. چونکي اونلارا گؤره ان بؤيوک موشگول اينسانين اؤزودور. اونلارا گؤره اينسانين راحاتليق وئ رئفاه ايستئيي شئيتاني تمايوللرين نتيجه سيدير. چونکي اينسان هوا و هوه سي نين اسيري اولاجاق قدر زئييفدير. اونلارا گؤره اينسانين جهاد-ه اکبره احتيياجي وار وئ يوخسوللوق بو بؤيوک جهادين وئسيله لريندئن بيريدير. اينسان بو دونيادا ايمتيهان ائديلير و هر تور فلاکت او ايمتاحانين بير پارچاسيدير. اصلينده اينسانلارين فلاکت اولاراق گؤردوکلري مسله لر ماهييت ايتيبارييله نعمتدير. ويا زلزله، توفان، توسونامي و قورولوق کيمي فلاکتلر وارسا دا، اينسانلارين ايشله ديکلري گوناهلار سببييله آللاهين غضبينين` نيشانه لريدير. ايران کيمي ايدئولوژيک دئولتلر اصلي ماهييتلريني گيزلتمک اوچون چوخ لايه لي يالان ، خورافه و اويدورما ميکانيزمالاري ايشله ديرلر. توپلوما گئجه-گوندوز يالان تزريق ائديرلر.. بوتون بو يالانلارين حدفي اينسانلارين قارشيلاشديغي و گؤردويو واقعييتلردن قوپارماق و اونلارا دونياني اؤزلري ايسته ديگي کيمي آلت-اوست گؤسترمکدير. ايرانا بنزر ايدئولوژيک رژيملرين ايشله ديکلري جينايت، خيانت و زولوملر چوخ لايه ليدير. اونلار نه اينسانلارا رفعاه و راحاتليق يارادماق ايسته ييرلر، نه ده اينسانلارا دوغرولاري اؤيرنمک ايمکاني وئريرلرير. اوسته ليک يوخسوللوق فزيلتدير شواري نين آلتيندا اونلاري امدي و بيلينجلي اولاراق جزالانديريرلار. اينسانلاري جزالانديراراق اونلاري اي اؤزلوگودن اوزاقلشاديرماق ؛ اينسانلاري دؤولتين ايدولوژيک، سياسي و ايکتيسادي حدفلري ايستيقامتينده نؤکرلشديرمک ايستئييرلر. ايدئولوژيک دؤولتين سياسي جينايتي اورمو گؤلونون قوروماسي باتي کاپيتاليزيمي نين ياراتديغي ائکولوژيک پروبلئملردن چوخ فرقليدير. چونکي بو موشگول قربده اولدوغو کيمي صنعتي و ايکتيسادي گليشمه نين(پيشرفتين) يان(تالي/هاشييئيي ) نتيجه لري دئييل. اوستليک بو حاديثه ژاپونياداکي دورومدان دا فرقليدير. چونکي ژاپونياداکي حاديثه دؤولتين بوتون فاالييتلرينه باخماياراق تئکنولوژي نين تئبييت قاراشيسينداکي يئترسيزليگي نين محصولويدو. اورمو گؤلونون قوروماسي ايران رئژيمي نين ائمدي سيياستي نين مئهسولودور.باشقا بير سؤزله دييرسک؛ ايران رژيمي اورمو گؤلونون قورماسينا گؤز يوماراق آذربايجانليلاري جزانلانديرر. ايران رئژيمي اوچون دؤولتين بوراکسيسي، ايکتيسادي، سياسي و کولتور/فرهنگي قوروملاري نين اساسي ايشلوي(کارکرد/فونکسييون) اينسانلاري جزالانديرماکدير. اونلارا گؤره دؤولت جزالانديرماق و ائهليلشديرمک اوچون واردير. آذربايجان ايللردير کي، بو جزالانديرمانين بوتون يوزلريني ياشاميشدير و هله ده ياشامقدادير. آذربايجانليلار اينساني اولاراق هر تور هاقلاريندان محروم اديلميش، ايکتيسادي اولاراق يوخسوللاشديريلميش و سياسي اولاراق دا آذرباياجن ايران رئژيمي طرفيندن بؤيوک زيندانا چئوريلميشدير. ايران رئژيمي آذربايجاني فرهنگي اولاراق دا ايسلام ديني و فارسليق هووييتي آدي آلتيندا اؤز اصيل کيمليکلريندن اوزاقلاشديريلاراق مانقورتلاشديريلماسيني  حدفله مکته دير. ايران دؤولتي ارک قالاسي کيمي تاريخي آبيده لري يوخ ائده رک آذربايجانليلاري تاريخلريندن قوپاراراق اونو اؤزونون اويدوردوغو تاريخ آنلاييشي ايله جزالانديرميشدير. ايندي ده ايسه اورمو گؤلونون قوروماسينا گؤز يوماراق آذربايجانليلاري دوغال(تبيگي) فلاکتله قارشي قارشييا بوراخاراق جزانلاديرير. ايران رئژيمي، اورومو گؤلونون قوروماسي نين هانکي منفي و فاجيعه لي نتيجه لري نين اولاجاغيني چوخ ياخشي بيلير. ايران ايسلام جومهورييتي پهلويلئرين (1924-79) ايجرا ائتتيگي سيياستلري منيمسييه رک آذربايجانين صنايعسيني و بازاريني مرکزه باغلاديغي کيمي، ايندي دئ اونون تاريم/کشاورزي ايستيداديني يوخ ائتمک ايستئيير. بو يوللا آذربايجانداکي ايش ايمکانلاريني يوخ ائده رک آذربايجانليلاري کؤچ/موهاجيرته مجبور ائتمک ايسته يير. آذربايجانين ياشانابيلير ير اولماديغيني گؤستره رک اورومييه و اطرافيني تورکلردن بوشالتيب و اونو باشقا بير ائتنيک گروها پئشکئش چکمک ايستئيير.ايران رئژيمي قئربي آذرباياجنين ائتنيک کومپوزيسييونو /ترکيبيني کؤکلو بير بيچيمده دييشديرمک ايسته يير. اوسته ليک آذربايجاني جزالانديريلماقلا اونو هر طرفلي اؤزونه وابست/باغيملي حاله گتيرمک نييتينده دير. گؤرولدويو کيمي، آذربايجان بير طرفدن هچ بير ايش باشارمايان، يئترسيز و هر تور اقلانييتدن اوزاق بير ايدئولوژيک دؤولتين امدي سيياستلري نين، ديگر طرفدن ده، ايران رئژيمي نين مذهب نيقابي آلتينا گيزلتتيگي تورک دوشمانليغي نين قورباني اولور. آذربايجانين جزالانديرليرماسي خامنئيي نين تيدي ايله احمدينئژادين کوروش کتيبه لريني اينگيلتردن گتيرمه سي و تخت جمشيدين مککه نين يريني آلاجاقميش کيمي هاوانين استيرليديگي بير زاماندا گرچکلشيمه سي دئ چوخ آنلامليدير. اونا گؤره اورمو گؤلونوون قوروماسيني ساده بير دوغال/ تبيگي فلاکت اولاراق آدلانديرماق مسلئ نين گرچک ماهييتيني اينکار آنلامينا گئلير. اورومو گؤلونون قوروماسي تبيگي فلاکتين اؤتسينده ايران رئژيمي نين آزاربايجانليلارا قارشي ايشلميديگي بير سياسي جينايتدير .