بير گون اسير دوشموش بير قهرماني
سورغويا، سوالا چکنده جللاد:
- سيزين الينيزده اؤلمرم! - دئدي، -
مني زامان- زامان ياشادار حيات.
دئديلر: - گؤزونو اوياريق سنين،
گؤره بيلمزسن.
دئدي: - ياشارام!
دئديلر: - قولونو قيراريق سنين،
سيلاحين، کسرين دوشر اليندن.
دئدي: - ياشارام!
دئديلر: - قيچينا کونده ووراريق،
گزه بيلمزسن.
باشيندا ائله بير تونقال قالاريق
دؤزه بيلمزسن.
دئدي: - ياشارام!
دئديلر: - نيين وار آپاراريق بيز،
بير ده کئچميشينه دؤنه بيلمزسن.
دئدي: - ياشارام!
دئديلر: - ديليني قوپاراريق بيز،
دانيشا بيلمزسن، دينه بيلمزسن.
سوسدو قهرمان،
نه ياشارام دئدي، نه اؤللم دئدي.
سؤيله دي: - نه بيلسن ائله، ائي جللاد.
ديوان سنيندير،
دؤوران سنيندير…
بالاش آزر اوغلو
هیچ نظری موجود نیست:
ارسال یک نظر
از اينكه به اين مطلب نظر مي دهيد متشكريم
ياشاسين آزربايجان