اورمو ايشچيلري :
شرفلی آزربایجان تورک میللتی!
سایقیلی آزربایجان میللی چالیشقانلاری!
بو گون وطنیمیز ان سیخینتیلی و حساس گونلرینی یاشاماقدادیر. بو دؤنمده و اورتام دا میللی حرکتیمیز ، بیر یوندن ایران رژیمی نین میللتیمیزه قارشی مستملکه چی سیاست لری و میللی چالیشقانلاریمیزین سس لرینی آغیر ایشگنجه لر و حبس لرله بوغماق و ها بئله آپاردیغی آغیر تضییق لر و باشقا طرفدن ایسه اونون اوپوزوسیونو و اونون دیشاریدا و ایچریده میللی حرکتیمیزه قارشی آپاردیغی تبلیغ لری و میللی حرکتیمیزین چرخینه چوپ اوزاتماق لاری سونوجوندا میللی حرکتیمیز سیخینتیلی بیر دورومدا اولورسادا اؤز یولونو اؤز میللی منافعینی گؤز اؤنونه آلاراق باغیمسیز حرکتینی آپارماقدادیر.
بو اوزردن یوخاریداکی قئید اولونموش ندن لر اساسیندا آزربایجان میللتی نین و میللی حرکتینین سسینی داها اویغون ایران دا یاشایان میللت لره و هابئله آزربایجان میللتینه دویدورماق اوچون “ساوالان پورت” آدیلا ایترنت ده ایشه باشلاییریق.
ساوالان پورت بوتون میللیت چی لردن و اؤزللیک له آزربایجانین دوغو (شرق) بولگه لرینده یاشایان یوردداش لاریمیزدان و میللیت چی لریندن امکداشلیق دیله ییریک.
یاشاسین آزربایجان میللی حرکتی
یاشاسین آزربایجان
ساوالان پورت وبلاگی نین یازارلار هیئتی
هیچ نظری موجود نیست:
ارسال یک نظر
از اينكه به اين مطلب نظر مي دهيد متشكريم
ياشاسين آزربايجان