اورمو ايشچيلري :
سون ایللرده آدربایجان میللتینین اورمو گؤلونون دیریلمه سی اومودو اولسایدی و بونا گؤره ده الینده کی هر فورصتدن یارارلانماغا چالیشیب، میتینگلر قوروب، آراشدیرمالار آپاریب و بیر چوخلاری توتوقلانیب ایشکنجه یه معروض قالیبلار، آما 25 مرداد تاریخینده ایران مجلیسینین اورمو گؤلو ایله باغلی طرحه یوخ دئمه سی، اومودلاریمیزین هامیسین سؤندوروب، ایران حاکمیتینین اورمو گؤلونون قوروماسینا سون ایمضاسی نی آتدی. آرتیق آذربایجان و اونون وارلیغی مرکزی حرکتلرده و حاکمیت طرفینده ذره جه اؤنمی اولماییب، آرادان گئتمه لرینه چالیشیرلار. بو کیمی اولایلار آذربایجانین فارس شوونیزم طرفیندن سؤمورولمه سی نی گؤز اؤنونه سرگی له ییر لر. بونلار استعمار دئییل سه نه دئمک اولار؟!! اورمو گؤلونون قوروماسینین آردیندان، آدربایجان تورپاقلاری دوزلاغا و قورولوغا دؤنوب، هئچ یارارلانماق ایمکانی اولمایاجاق و آرتیق یاشاماق دا مومکون دئییل. نئجه کی فارس شونیست میللت وکیللری اورمو گؤلونو دیریلتمه یینه چالیشماقدانسا، اونو اؤز حالینا بوراخیب منطقه ده کی اینسانلاری باشقا یئره کؤچورتمه یه مجبور ائدیرلر. بو سیاست لر شوونیزم حاکمیتین آذربایجانا قارشی سؤمورگه چی لیک و جمعیت دییشیم سیاست لرینی بلیردیر. بیز توفارقان میللی فعاللاری آذربایجان میللتینین بو چیرکین سیاست لره اعتراضینا قاتیلاراق، آذربایجان میللت وکیللرینی بو قونودا آرتیق سوروملو اولمالارینی ایسته ییریک. اؤته یاندان بو طرحین رد ائتمه یینی اؤزللیکله بجنورد شهرینین میللت وکیلی و باشقا آدربایجان لی لار کی بو طرحی مثبت اونایلاماییب لار محکوم ائدبربک. ائله جه بوتون آذربایجان میللتینی بو اعتیراضلارا چاغیراراق، اؤز گوجلو و کسکین قاتیلیمیمیزی وطنیمیزین دیریلییینه بیلدیریریک. گؤروشوموز پنجشنبه گونو تبریز، تراختور- بلدیه اویونو شنبه گونو اورمو . |
هیچ نظری موجود نیست:
ارسال یک نظر
از اينكه به اين مطلب نظر مي دهيد متشكريم
ياشاسين آزربايجان