محمد ال-بارادئي قاهيره يه دؤندو، بوتون اؤلکه موخاليفتي کوچه لره چيخماغا قرار وئريب آوروپا بيرليگينه موسلمان اؤلکه لرين ديکتاتورلاري ايله امکداشليقدان چکينمکله باغلي چاغيريشلار ائديلير
ميسيرده پرئزيدئنت هوسنو موبارک علئيهينه نوماييشلر بؤيومکده داوام ائدير. قاداغايا باخماياراق، پايتاخت قاهيره نين سووئيش، دوميات و کوبرا محلله لرينده بؤيوک نوماييشلر تشکيل ائديليب، پوليس ميندن چوخ نوماييشچيني حبس ائديب. دونن ده نوماييشچيلر بير آرايا گليبلر و فاصيله سيز اولاراق اينتئرنئت واسيطه سيله مئساژلارلا تشکيلاتلانما ايشلري آپاريلير.
« ديکتاتورلارلا امکداشليغا سون قويولماليدير»
بو آرادا ميسير حاکيميتينه قارشي بين الخالق تزييقلر آرتماغا باشلاييب. آبش-اين دؤولت کاتيبي هيللاري کلينتون ميسير رهبرليگيندن اينسان هاقلارينا حؤرمتله ياناشماق و خالقين سوسيال طلبلريني دينله مگي طلب ائديب. آلمانييا خاريجي ايشلر نازيري قويدو وئستئروئل ده طرفلري زوراکيليقدان چکينمه يه چاغيرماقلا ياناشي رسمي قاهيره دن اينسان هاقلاري و آزادليقلارينا حؤرمتله ياناشيلماسيني ايسته ييب. همچنين آلمانييا پارلامئنتي نين خاريجي علاقه لر کوميسسيياسي نين صدري روپرئخت پولئنز حاديثه لره موناسيبتيني آچيقلاييب: « ميسيرده کوچه لردن گلن طلبلر چوخ آيديندير و هوسنو موباره کي ن بير داها بو وضعيفه يه سئچيلمه مه سي يؤنونده دير. بوتون حاللاردا قارشيدان گلن پرئزيدئنت سئچکيلري نين عدالتلي و آزاد بير موحيطده کئچيريلمه سي لازيمدير». آوروپا بيرليگي نين تمثيلچيسي کئترين ائشتون دا ميسير هؤکومتينه چاغيريش ائديب و خالقين هاقلارينا حؤرمت اولونماسيني و طلبلرينه قولاق آسيلماسيني ايسته ييب. تونيسله قونشولوندا يئرلشن مالتادا دا سيياستچيلر ماراقلي آچيقلامالار وئريبلر. مالتا، ايتالييا و آوروپا بيرليگينده يوکسک وضعيفه لرده آليشميش سيياستچي آرنولد کاسسولا باش وئرنلره گؤره آب- نين ده مسئوليت داشيديغيني بيلديريب. اونون فيکرينجه، بئله قانلي نتيجه لرين سببلريندن بيري ده آوروپا بيرليگي نين ديکتاتورا رئژيملري ايله امکداشليغيدير. کاسسولونون فيکرينجه آوتوريتار موسلمان اؤلکه لرينده آوروپا بيرليگي ديکتاتورانين داياغي اولان کلانلارلا دئييل، حقيقي دئموکراتيک موخاليف قوووه لرله علاقه لري سيخلاشديرماسي و اونلارا يارديم ائتمه ليدير. تونيسين « ژاسمين اينقيلابي» ميسيرده تکرارلانير خاتيرلاداق کي، حاکيميتين دئوريلمه سي ايله نتيجلنن تونيس نوماييشلري زاماني دا حاکيميت اولجه زور تطبيق ائده رک دين اعتيراضچيلاري اؤلدوروردو، آما قربين تزييقلريندن سونرا نوماييشچيلره قارشي زوراکيليقلارا سون قويولدو و پرئزيدئنت زئينئل آبيدين بين الي اؤلکه دن قاچمالي اولدو. موشاهيده چيلرين فيکرينجه، قربين تزييقلري ميسيرده ده عئيني سسئناري نين تکرارلانماسينا گتيريب چيخارا بيلر. ان بؤيوک آکسييا ايسه بو گونه پلانلاشديريليب. « 6 آپرئل» حرکاتي نين بو گون جومه نامازي نين آرديندان موبارک علئيهينه آکسييالارا چاغيريشي نين بوتون موخاليفت طرفيندن دستکلنديگي آچيقلانيب. بين الخالق آتوم ائنئرژيسي آگئنتليگي نين سابيق رهبري و ميللي يئنيلشمه جمعيتي نين ليدئري، موباره کي ن راديکال علئيهداري محمد ال-بارادئيي نين ده دونن آخشام ميسيره دؤندويو بيلديريلير. بارادئيي بو گونه نظرده توتالان آکسييايا شخصن قاتيلاجاغيني بيان ائديب. ميسيره دؤنمزدن اول ال-عربيييه تئلئکانالينا دانيشان بارادئيي بيلديريب کي، خالقين ايستگي اولارسا، ايقتيداري اؤز اوزرينه گؤتوره بيلر. ميسيرده باش وئرنلري باشا دوشمک اوچون اؤلکه نين سياسي کونيونکتورونو تصوور ائتمک واجيبدير. بو باخيمدان ميسيرده کيمين نه ايسته ديگي ماراقليدير. اؤلکه ده سون 10 ايلده دييشيکليک و يئنيلشمه ايسته ين چوخلو سايدا تشکيلاتلار يارانيب. بونلار خوصوصيله ده تحصيللي گنجلر واسيطه سيله سياسي پارتييالارين ائده بيلمه ديگيني ائتمکله گنج نسلين تشکيلاتلانماسينا نايل اولوبلار. سون نوماييشلرده ده بو سيرادان « 6 آپرئل»، « کيفايئ» و « ميللي يئنيلشم» حرکاتلاري فعالليغي ايله سئچيلير. بس بو حرکاتلارين آرخاسيندا کيملر دايانير؟..
ال-غاد پارتيياسي
ال-غاد پارتيياسي 27 اوکتيابر 2004-جو ايلده ميسير رهبرليگي طرفيندن رسمي اولاراق تانينيب. آيمان نور طرفيندن رهبرليک اولونان پارتييا کونستيتوسييا دييشيکليکلري اوچون بير پلاتفورما رولونو اويناماغا چاليشير و حاکيميته تزييق گؤسترير. ميسير حاکيميتي نين اونوانينا سرت تنقيدلري اوزوندن 29 يانوار 2005-جي ايل تاريخينده دئپوتات توخونولمازليغيندان محروم ائديله رک حبس اولونان آيمان نور آبش-اين بيلواسيته تزييقلري آلتيندا بير مودت سونرا آزادليغا بوراخيلميشدي. 2005-جي ايل سئچکيلرينده آ.نور ه.موباره کي ن آچيقلامالارينا گؤره 7 فايز، موستقيل موشاهيده چيلره گؤره ايسه 13 فايز سس توپلاميشدي. نورون ليدئرليک ائتديگي ال-غاد پارتيياسيندان بير قروپ صاباح پارتيياسي آدي ايله آيريلاراق يئني بير سياسي تشکيلات قوروبلار. آيماق نورون ايزله ديگي سيياسته قارشي تنقيدلر سسلنديرن صاباح پارتيياسي عوضولري نين ميسير رئژيمي طرفيندن دستکلنديگي بيلديريلير.
آيمان نور کيفايئ
حرکاتي نين ليدئري جورج ايسهاک ايله بيرليکده ايلک گوندن اعتيبارن اعتيراضلارا شخصن مئيدانلارا چيخماقلا دستک وئرمکده دير. نور بو گونه نظرده توتولان « بؤيوک جوم» حرکاتينا دا قاتيلاجاغيني آچيقلاييب. کيفايئ حرکاتي جورج ايسهاک طرفيندن قورولان حرکات فرقلي سياسي فيکيرلر ايفاده ائدن اينسانلاري بير آرايا گتيريب. حرکاتين قوروجولاري آراسيندا کئچن ايل وفات ائمين آبدولواههاب ال-مئسيري، امين ايسکندر، ابول الا مادي، احمد بئهايددين شابان و کامال خليل کيمي ضياليلار دا يئر آليب. يئنيلشمه نامينه ميسير حرکاتي کيمي ده تانينان « کيفايئ» (ترجومه ده « يئتر»، « بسدير») خوصوصيله موبارک رئژيمي نين دييشمه سيني حدفله يير. حرکات يارانديغي 2000-جي ايللرين اورتالاريندان اعتيبارن موباره کي ن يئنيدن پرئزيدئنت اولماسيني انگلله مگي قارشيسينا مقصد قويوب. کيفايئ حرکاتي نين شوعاري دا بو مقصدي ايفاده ائدير: « يئنيدن پرئزيدئنتليگينه ده، آتادان اوغولا دا يوخ!»
وئفد پارتيياسي
وئفد پارتيياسي 1919-جو ايلده قورولوب و ميسيرين ان اهميتلي موخاليف پارتييالاريندان بيريدير. 1953-جو ايلده او دؤورون پرئزيدئنتي جامال آبدولناسير طرفيندن قاپاديلان پارتييا 1983-جو ايلده يئنيدن قورولوب و حاضيردا ميسير پارلامئنتينده 6 يئره صاحيبدير. وئفد ليدئري نومان قوما ميسيرده 1981-جي ايلدن بري داوام ائدن فؤوقلاده وضعيتي لغو ائده جگيني و بوتون سياسي مهبوسلاري عفو ائده جگيني ود ائدير. همچنين ايرانلا سيخ علاقه لر قورماغي هدفله ين وئفد اينگيليسلره قارشي قورولماسي سببيندن اهميتلي درجه ده ميسير ميلتچيليگيني تمثيل ائدير.
موسلمان قارداشلار تشکيلاتي
موسلمان قارداشلار تشکيلاتي ( « ايهواني موسليمين») 1928-جي ايلده قورولوب. آزاد ظابيطلر چئوريليشينده جامال آبدولناسيرله بيرگه حرکت ائدن تشکيلات حاکيميته گتيرديگي آبدولناسير طرفيندن بؤيوک بير ضربه آلدي. فعاليتي قاداغان ائديلن تشکيلات 1966-جي ايلده باشدا سئيييد کوتوب اولماقلا ايدئولوقلاري و چوخلو سايدا عوضوونو اعداملاردا ايتيردي. موسلمان قارداشلار، بو گون هله ده ميسيرده تزييقلر آلتيندا فعاليت گؤسترن، آما سياسي معنادا پارلامئنتده ان گوجلو موخاليف قاناددير. داخيلي سيياستده اهميتلي چکييه صاحيب اولان بو تشکيلاتين عوضولري هر سئچکي عرفه سينده هوسنو موبارک طرفيندن باشلانان زوراکيليق کامپانييالاري چرچيوه سينده حبس اولوناراق حربي محکمه لره گؤندريليرلر. فؤوقلاده وضعيتين 1980-جي ايلدن بري داوام ائتديگي ميسيرده قانونلارا گؤره، وطنداشلارين حربي محکمه لرده موهاکيمه اولونماسي کونستيتوسييا ايله قاداغاندير. آما پرئزيدئنت تشکيلات عوضولري باره ده وئريله بيله جک شيکايتلري انگلله مک اوچون موسلمان قارداشلار تشکيلاتي عوضولري نين حربي محکمه لرده موهاکيمه سينه اوستونلوک وئرير. بو موهاکيمه عادتن، سئچکيلردن سونرا دايانديريلير و مهبوسلارين اکثريتي آزاد ائديلير. حبس اولونانلارين هاميسي خالق طرفيندن دستکلنن و سئچکيلري قازانماق شانسي اولان ناميزدلر اولور. حبسلر زاماني هميشه « حاکيميتي تهديد ائتمک»، « داغيديجي فعاليتلرده ايشتيراک» و « تئررور تشکيلاتلارينا دستک» ايتتيهاملاري ايره لي سورولور. اسل مقصد ايسه خالقين دستکله ديگي ناميزدلري سئچکيلردن کنارلاشديرماق اولور.
ميللي يئنيلشمه جمعيتي
تشکيلات بين الخالق آتوم ائنئرژيسي آگئنتليگي نين سابيق رهبري محمد ال-بارادئيي طرفيندن قورولوب. اؤلکه ده سياسي دييشيکليکلري حدفله يير. جمعيت ژورناليستلر، ادبياتچيلار، سيياستچيلر، صنعتچيلر کيمي اؤلکه نين اينتئللئکتوال طبقه لريني اهاته ائدير. جمعيت اؤز چتيري آلتيندا دئموکراتيک جبهه پارتيياسي، ال-غاد پارتيياسي، کيفايئ و 6 آپرئل حرکاتلاري کيمي بير چوخ تشکيلاتلاري زيف علاقه لرله اولسا دا، بيرلشديرمه يه نايل اولوب. بين الخالق آتوم ائنئرژيسي آگئنتليگينه 2009-جو ايله قدر باشچيليق ائتميش محمد ال-بارادئيي 2005-جي ايلده « نووه ائنئرژي نين حربي مقصدلر اوچون ايستيفاده سي نين انگللنمه سي ايستيقامتينده سيلرين» گؤره نوبئل صولح موکافاتينا لاييق گؤرولوب. حوقوق تحصيليني قاهيره ده آلان، نيو يورک اونيوئرسيتئتينده بين الخالق حوقوق ساحه سينده دوکتورلوق ديسسئرتاسيياسيني مودافيعه ائدن ال-بارادئيي 1974-1978-جي ايللر آراليغيندا ميسير خاريجي ايشلر نازيري نين خوصوصي کؤمکچيسي وضعيفه سينده چاليشيب. 1980-جي ايلده ديپلوماتيياني ترک ائده رک بيرلشميش ميلتلر تشکيلاتي نين تحصيل و آراشديرما اينستيتوتوندا بين الخالق حوقوق پروقرامينا رهبرليک ائديب. 1997-جي ايلده ايسوئچلي هانس بليخدن سونرا بين الخالق آتوم ائنئرژيسي آگئنتليگينه رهبرليک ائديب. تونيسده باشلايان، آردينجا الجزاير، ايوردانييا و ميسيري ده بوروين سياسي اعتيراضلارين آرديندان آچيقلاما وئرن ال-بارادئيي بو گون عومومخالق اعتيراضي تشکيل ائتمگي پلانلاشديران « 6 آپرئل» حرکاتيني دستکليه جگيني آچيقلاييب و دونن آخشام قاهيره يه دؤنوب. سون پرئزيدئنت سئچکيلرينده ايشتيراک ائتمک ايسته ين، آما رئژيمين قوردوغو اويونلار نتيجه سينده سئچکيلردن کناردا قالان ال-بارادئيي نين سئچکيقاباغي کامپانييا چرچيوه سينده ايره لي سوردويو باشليجا شوعار دا کونستيتوسييا دييشيکليگي ايله باغلي ايدي.
ليبئرال ميسير پارتيياسي
ليبئرال ميسير پارتيياسي اؤلکه ده اهميتلي دونيوي سياسي پارتييالاردان بيريدير. پارتييا ميسير ميللي شخصيتي نين مودافيعه چيسي رولوندا چيخيش ائدير. ليبئرال ميسير پارتيياسي آبدولناسرين بونؤوره سيني قويدوغو عرب ميلتچيليگي سيياستيني آرادان قالديريب، ميسير ميللي شوورونو برقرار ائتمک اوچون چاليشير. پارتييا مدني قانونوئريجيليک مئخانيزملري و بير چوخ باشقا ساحه لرده دين و دؤولت ايشلري نين بير-بيريندن آيري اولدوغو دونيوي قورولوش آنلاييشيني منيمسه ين سياسي تشکيلات کيمي تانينير.
ال-تئجئممو پارتيياسي
بو پارتييا و همچنين ال-ناسيسي پارتيياسي سوسياليست سول ختده يئر آلير. پارتييالار ميسيرده ائله ده بؤيوک پوپوليارليغا صاحيب دئييل. بونونلا بئله، بو سياسي قوووه لر ده هوسنو موبارک علئيهينه چاغيريشلاردا ايشتيراک ائديرلر.
6 آپرئل حرکتي
بو، ميسير گنجلري طرفيندن 6 آپرئل 2008-جي ايل تاريخينده ميسير سيياستچيلرينه چاغيريش اوزرينده قورولان يئنيلشمه حرکاتيدير. عوضولري نين آز قالا هاميسي هر هانسي سياسي حرکاتا و يا پارتييايا عوضو اولمايان گنجلردن عيبارتدير. رهبرليک حرکات عوضولري نين هر هانسي بير ايدئولوگيياني قوروم داخيلينده اؤنه چکممه لري ايستيقامتينده مؤحکم مؤوقئع نوماييش ائتديرير. چونکي حرکات داخيلينده موختليف سياسي باخيشلارين داشيييجيسي گنجلر توپلاشيب. بو حرکات بو گون بوتون اؤلکه بويونجا کئچيريلمه سي و بؤيوک رئزونانس دوغورماسي گؤزله نيلن « جومه حرکاتي» چاغيريشينا دا مؤليفليک ائديب و دئمک اولار کي، بوتون موخاليف فيکيرلي تشکيلاتلار بو گنجلر حرکاتي نين چاغيريشيني رغبتله قارشيلاييب. بو حرکاتا آرتيق بوتون موبارک علئيهدارلاري نين قوشولماسي پروسئسي باشلاييب. اگر ميسيرده موبارک ديکتاتوراسينا سون قويولارسا، چوخ گومان بو حاديثه اؤلکه تاريخينده محض 6 آپرئل حرکاتي نين آياغينا يازيلاجاق.
منبع : شاهينhttp://www.bizimyol.az
كوچورن : اورمو ايشچيلري
هیچ نظری موجود نیست:
ارسال یک نظر
از اينكه به اين مطلب نظر مي دهيد متشكريم
ياشاسين آزربايجان